04/01/2018
Triunfo da selección galega cadete masculina, nunha xornada complicada para Galicia
Xornada negra para as seleccións galegas no Campionato de España de Seleccións Territoriais, que se está a disputar en Vigo e Pontevedra. Hoxe xogaron cinco das seleccións galegas (a xuvenil feminina descansou) e só venceu a cadete masculina, que fixo un gran partido. Con estes resultados complícase a clasificación para os cuartos de final, aínda que as seleccións galegas buscarán o pase na xornada de mañá. Ademais, houbo condensación nalgún pavillón, pero novamente a xornada se celebrou completa, grazas ao esforzo da organización, voluntarios e a boa disposición das seleccións participantes.
Toda a información sobre o campionato no seguinte enlace: www.cesabmgalicia.com