Para as actividades levadas a cabo polas diferentes federacións deportivas galegas, a Secretaría Xeral para o Deporte facilita un seguro deportivo para todos os deportistas federados de 6 a 16 anos, independentemente da súa modalidade deportiva.
Esta é unha medida fundamental para apoiar, sólida e eficazmente, o deporte de base, dentro do compromiso da Xunta de Galicia coa promoción da actividade físico deportiva e os hábitos saudables.
A inscrición dos deportistas deberá será realizada pola federación a través da aplicación informática www.deporteescolargalego.com no momento de tramitar a licenza dos deportistas.
A temporalidade da cobertura é diferente aínda que compartan o mesmo número de póliza e estará sempre asociada á vixencia da licenza federativa.
É fundamental que tanto os técnicos como as familias coñezan o protocolo do seguro de Xogade.
Teñen na traseira do carné de Xogade unha versión resumida coa información indispensable.
Na lapela INICIO teñen o protocolo do seguro e a Normativa Xeral coas federacións adheridas.